კრიპტოს მაინინგი საქართველოში: ყველაფერი, რაც უნდა იცოდეთ

დროის სვლასთან ერთად, ტექნოლოგიურ ინდუსტრიაში არსებულ პროგრესს კრიპტოვალუტით დაინტერესებაც მოჰყვა. დღესდღეობით უკვე თითქმის აღარავინ კითხულობს თუ რა არის ბიტკოინი ან ციფრული ვალუტა, რადგან კრიპტო ვალუტა გლობალურ ფენომენად იქცა. კრიპტო სამყაროს ერთ-ერთი უმნიშვნელოვანესი ნაწილი კი მაინინგია. მაინინგი ტრანზაქციების ვალიდაციისა და მათი ბლოკჩეინში დამატების პროცესია. ამ პროცესის განმავლობაში მაინერები ჯილდოს სახით კრიპტოს იღებენ. ახლო წარსულში, მაინინგისთვის არსებული სახარბიელო პირობებიდან და იქიდან გამომდინარე, რომ ბიტკოინი საქართველოში საკმაოდ პოპულარული გახდა, ქვეყანა მაინინგისთვის ერთ-ერთ ყველაზე პოპულარულ ადგილად იქცა. ამ სტატიაში, ჩვენ მიმოვიხილავთ სხვადასხვა ტიპის საკითხებს, მათ შორის თუ რა არის მაინინგი, რა დადებითი მხარეები აქვს მას, რა რისკებს მოიცავს, როგორ მიმდინარეობს იგი საქართველოში, რა გამოწვევის ან გამოწვევების წინაშე დგას და სხვ.

დავიწყოთ!

რა არის მაინინგი?

იმისათვის, რომ მაინინგზე ჩვენი ქვეყნის ფარგლებში ვისაუბროთ, თავდაპირველად, მნიშვნელოვანი და საჭიროა, გავიგოთ, რა არის მაინინგი, როგორ მუშაობს და რა ძირითადი თვისებები და მახასიათებლები გააჩნია.

მსოფლიოში მრავალი ტიპის კრიპტოვალუტა არსებობს და მათი მაინინგის პროტოკოლები ერთმანეთისგან მნიშვნელოვნად განსხვავდება. ამ შემთხვევაში, ჩვენ მაგალითად ბიტკოინს ავიღებთ და გავიგებთ თუ როგორ ხდება ბიტკოინის გამომუშავება და მაინინგი.

კრიპტო მაინინგის შედეგად ახალი კოინები იქმნება და მიმდინარე ტრანზაქციები ავტორიზდება. მაინინგის დანიშნულება, ამასთან ერთად, არის ის, რომ კრიპტო ვალუტები დაიცვას. თუმცაღა, გასათვალისწინებელია, რომ ამ შემთხვევაში, უსაფრთხოების დაცვის მექანიზმები Proof of Work (PoW) კონსენსუსზე დაფუძნებული კრიპტოებისთვის, მათ შორის, ბიტკოინისთვის ვრცელდება. მაინინგი, გარდა ამისა, უმნიშვნელოვანეს როლს ასრულებს ქსელის დეცენტრალიზებული ბუნების შენარჩუნებაში. მისი საშუალებით, ქართული კრიპტო ვალუტა ან ნებისმიერი სხვა ტიპის PoW-ზე მომუშავე ციფრული აქტივი ცენტრალიზებული განკარგვის გარეშე ფუნქციონირებს.

როგორ არის შესაძლებელი კრიპტო მაინინგი? ამ შემთხვევაში, უმნიშვნელოვანესია, რომ მაინერმა კრიპტოგრაფიული ამოცანები ამოხსნას. ამ მიზნის მისაღწევად მას გამომთვლელი სიმძლავრე სჭირდება. დროითი ფაქტორი და სისწრაფე მაინინგის პროცესის სწორად წარმართვაში დიდ როლს თამაშობს. სწორედ ის მაინერი, რომელიც ამოცანას ყველაზე სწრაფად ამოხსნის, ბლოკჩეინზე ტრანზაქციის ახალი ბლოკის დამატებას შეძლებს. ამის შემდგომ იგი მთელ ქსელს გადაეცემა.

როგორ მუშაობს მაინინგი?

თუ თქვენ იმ ადამიანთა კატეგორიას მიეკუთვნებით, ვისაც ბიტკოინის გამომუშავება ან სხვა PoW-ზე დაფუძნებული ციფრული ვალუტის მოპოვება სურს, ჩვენ მოგიყვებით თუ როგორ მუშაობს კრიპტო მაინინგი და რა მნიშვნელოვანი ფაქტორები უნდა გაითვალისწინოთ მაინინგის დროს.

როგორც დასაწყისში ვახსენეთ, კრიპტოვალუტის მთავარი ხიბლი მის დეცენტრალიზებულ ბუნებაშია, რომელიც ბლოკჩეინ ტექნოლოგიის დამსახურებაა. ბლოკჩეინ ტექნოლოგიის დეცენტრალიზებულობას კი, თავის მხრივ, მაინინგიც განაპირობებს.

მაინინგისთვის საჭიროა:

პირველ რიგში, ბიტკოინის მაინერმა უნდა შეარჩიოს ხელსაწყო, რომლითაც მაინინგს განახორციელებს. მაინინგისთვის საჭირო მოთხოვნილებებია:

● GPU მოწყობილობა, SSD კრიპტო მაინინგისთვის ან ASIC
● მაინინგის აპლიკაცია (მისი საშუალებით შესაძლებელია ბიტკოინის გამომუშავება მობილურით)
● საფულე
● სასურველი მაინინგ ფული

ყველა ამ პირობის დაკმაყოფილებისა და სისტემის გამართვის შემდგომ, მაინინგის პროცესი ავტომატურად ხორციელდება. ადამიანის ჩართულობა ამ პროცესში მხოლოდ მაშინაა საჭირო, როდესაც სისტემას ან ქსელს რაიმე ტიპის პრობლემა აქვს ან მოწყობილობას ენერგია საკმარისად არ მიეწოდება.

არსებობს მაინინგის სხვადასხვა გზა:

● CPU მაინინგი - მაინინგის ეს ფორმა ბიტკოინის მაინინგის საწყის ეტაპზე იყო გავრცელებული. იგი მაინინგისთვის კომპიუტერის ტვინს იყენებს. დღესდღეობით CPU მაინინგს მაინერები იშვიათად მიმართავენ.
● GPU მაინინგი - მაინინგის ეს ფორმა წინა ფორმასთან შედარებით უფრო მეტად დახვეწილია. მას ძირითადად Ethereum-ის მაინინგისთვის გამოიყენებენ და ჰეშის უკეთესი მაჩვენებლით ხასიათდება.
● FPGA მაინინგი - მაინინგის ეს ფორმა წინა ორთან შედარებით უფრო მაღალგანვითარებული და მოსახერხებელია. მას დღესდღეობით ყველაზე ხშირად იყენებენ მაინერები.
● Cloud მაინინგი - მაინინგის ეს ფორმა მოწყობილობის შეძენას არ საჭიროებს. ამ შემთხვევაში ინვესტორი თანხას უხდის კომპანიას, რომელიც კრიპტო ვალუტის მაინინგში ეხმარება. შესაბამისად, Cloud მაინინგი იმ ინვესტორებისთვისაა მოსახერხებელი, რომლებსაც საჭირო მოწყობილობების შესაძენად განკუთვნილი სახსრები არ გააჩნიათ.

მას შემდგომ, რაც მაინინგთან დაკავშირებული ძირითადი საკითხები ამოვწურეთ, დროა, ვისაუბროთ თუ როგორი ვითარებაა საქართველოში მაინინგთან მიმართებით.

საქართველო - ხელსაყრელი გარემო მაინინგისთვის

საქართველო ევროპისა და აზიის გზაგასაყარზე მდებარეობს. იგი მაინინგისთვის ხელსაყრელი გარემოდან და პირობებიდან გამომდინარე ბოლო დროს კრიპტო მაინერებში საკმაოდ პოპულარული გახდა. ერთ-ერთი მთავარი მიზეზი, რამაც მისი პოპულარობა განაპირობა, ეს არის ქვეყნის იაფი ელექტროენერგია. საქართველო ცნობილია თავისი მნიშვნელოვანი ჰიდროელექტრო ინფრასტრუქტურით, რაც მაინერებს შესაძლებლობას აძლევს, რომ დაბალფასიანი ელექტროენერგიისგან სარგებელი მიიღონ.

მაინინგისთვის განკუთვნილი აღჭურვილობა და ინფრასტრუქტურა

კრიპტოს მაინინგისთვის მაინერებს სპეციალური აღჭურვილობა სჭირდებათ, რომელიც ტრანზაქციების დასადასტურებლად კომპლექსურ გამოთვლებს განახორციელებს. საქართველოში მაინინგის ფერმები უმაღლესი ტექნოლოგიებითაა აღჭურვილი. მათი საშუალებით მაინინგის პროცესი უფრო მარტივად და სწრაფად მიმდინარეობს. ამ ტექნოლოგიებს შორისაა GPU და ASIC (ერთ-ერთი ყველაზე მოდერნიზებული და მაღალტექნოლოგიური ხელსაწყო) მაინერები. ეს მაინერები, როგორც ზემოთაც ვახსენეთ, სხვადასხვა ტიპის კრიპტოვალუტების მაინინგისთვის გამოიყენება. ამ ციფრულ ვალუტებს შორისაა: ბიტკოინი, Ethereum და სხვ.

გარდა ამისა, საქართველოს კლიმატი მნიშვნელოვან როლს თამაშობს მაინინგის პროცესების წარმართვაში. საშუალო დონის ტემპერატურა მაინინგისთვის განკუთვნილ ხელსაწყოებს გადახურებისგან იცავს. გადახურება, როგორც წესი, დამატებით ხარჯებთან არის ხოლმე დაკავშირებული. იმისთვის, რომ მოწყობილობამ მუშაობა ჩვეულ რეჟიმში განაგრძოს, მნიშვნელოვანია მისი მუდმივად გრილ მდგომარეობაში შენარჩუნება. ეს ყველაფერი კი, თავის მხრივ, ხარჯების ოპტიმიზებას უწყობს ხელს. ეს იმას ნიშნავს, რომ, ხარჯების მინიმუმამდე დაყვანის წყალობით, მაინერებს უფრო მეტი მოგება რჩებათ.

არსებული გამოწვევები

მიუხედავად იმისა, რომ საქართველო კრიპტო მაინინგისთვის ხელსაყრელ პირობებს სთავაზობს ინვესტორებს, არსებობს სხვადასხვა სახის გამოწვევები, რომელთა გადაჭრაც უმნიშვნელოვანესია. ერთ-ერთი ამგვარი გამოწვევაა პირველადი ინვესტიცია, რომელიც მაინინგის მოწყობილობების შესაძენადაა საჭირო. ეს მოწყობილობები უმნიშვნელოვანესია კრიპტო მაინინგთან დაკავშირებული ოპერაციების განსახორციელებლად. ამასთან, მათი შეძენა და მაინინგის ფერმის შექმნა, კაპიტალის მხრივ, მნიშვნელოვან სახსრებს საჭიროებს. ამიტომაც, მანამ სანამ მაინინგს დაგეგმავთ, აუცილებელია, გაითვალისწინოთ და კარგად დაგეგმოთ თქვენი სამომავლო სტრატეგია. ამ ხერხით, თავიდან აირიდებთ არასასურველ ხარჯებს და მაქსიმალურად შეამცირებთ მოულოდნელ დანახარჯებს.

მეორე გამოწვევა, რომელსაც მაინერი შეიძლება წააწყდეს ეს არის მაინინგის ინდუსტრიის კონკურენტუნარიანობა. რაც უფრო მეტი მაინერი უერთდება ქსელს, მით უფრო მეტად რთულდება კრიპტო მაინინგი. ეს იმას ნიშნავს, რომ კრიპტო მაინერებმა დროთა განმავლობაში უნდა გამოცვალონ და განაახლონ მაინინგისთვის საჭირო ხელსაწყოები, ასევე, უნდა იკითხონ კრიპტო სიახლეები, იკვლიონ 1 ბიტკოინის ფასი ან იმ ვალუტის, რომლის მაინინგიც სურთ, იმისთვის რომ კონკურენტუნარიანობა შეინარჩუნონ.

რეგულაციები და გადასახადები

მაინინგის დაწყებამდე, უმნიშვნელოვანესი და აუცილებელია, რომ მაინერები კრიპტოსთან დაკავშირებულ რეგულაციებსა და გადასახადების პოლიტიკას გაეცნონ. მიუხედავად ქვეყნის კრიპტოვალუტისადმი დამოკიდებულებისა, მაინერები საქართველოში არსებულ რეგულაციებსა და კანონებს უნდა დაემორჩილონ.

მაინინგის ბიზნესის წარმართვისას, მაინერები საქართველოში მაინინგთან დაკავშირებული ლიცენზიისა და რეგისტრაციის წესებს უნდა გაეცნონ. ამასთან, მაინინგის აქტივობებთან დაკავშირებით საგადასახადო ვალდებულებებიც უნდა გაითვალისწინონ. ამ ვალდებულებებს შორისაა საშემოსავლო და დამატებითი ღირებულების გადასახადი. ამ წესებისთვისა და ვალდებულებებისთვის გვერდის ავლა სამართლებრივი კანონების შესაბამისად დასჯას დაექვემდებარება.

საქართველოში კრიპტო მაინინგი ბევრ შესაძლებლობას სთავაზობს კრიპტო ეკონომიკით დაინტერესებულ ინდივიდებსა და ბიზნესებს. ხელსაყრელი პირობებიდან, გარემოდან, ელექტროენერგიის დაბალი გადასახადიდან გამომდინარე, საქართველო, შესაძლოა, რომ მაინინგისთვის ერთ-ერთ გამორჩეულ ქვეყნად მივიჩნიოთ. თუმცა, გახსოვდეთ, მაინინგი გარკვეულ გამოწვევებთანაა დაკავშირებული, მათ შორის საწყის კაპიტალთან და კონკურენტუნარიანობის შენარჩუნებასთან სწრაფად მზარდ ინდუსტრიაში.

ჩვენ ვიმედოვნებთ, რომ ეს სტატია თქვენთვის გამოსადეგი იყო და უკეთ გაცანით თუ რა მნიშვნელოვან სარგებელთან, გამოწვევებთანა და შესაძლებლობებთანაა დაკავშირებული მაინინგი. სწორად დაგეგმვით, კარგი სტრატეგიით, რისკების მენეჯმენტით, საკითხში საკმარისად კარგად გარკვეულობით და სარეგულაციო მოთხოვნებთან თანხვედრით, ნებისმიერ ადამიანს შესაძლებლობა აქვს, რომ კრიპტო მაინინგში სცადოს ბედი. ასევე, გახსოვდეთ, რომ ყოველთვის მნიშვნელოვანია თვალი ადევნოთ თუ რა ღირს 1 ბიტკოინი, რადგან იგი მნიშვნელოვან გავლენას ახდენს მთელ კრიპტო ინდუსტრიაზე. ასევე, ყოველთვის გაეცანით კრიპტო ინდუსტრიის ახალ ამბებს, იმისთვის, რომ დარწმუნდეთ, კონკრეტული მომენტისთვის მაინინგი შესაძლებელია თუ არა, რომ სარგებლის მომტანი იყოს.

გახსოვდეთ, არსებული პირობებიდან და გარემოდან გამომდინარე, დღესდღეობით ნებისმიერ ადამიანს აქვს შესაძლებლობა, რომ კრიპტო თავგადასავალი საქართველოში მაინინგით დაიწყოს